ദമ്പതികൾ ദോശ വിറ്റു നേടുന്നത് മാസം 1 കോടി രൂപ | Story Of Benne Dosa

ബാന്ദ്രയുടെ ഹൃദയഭാഗത്ത് 2024 മെയ് മാസത്തിൽ ആരംഭിച്ച ബെന്നെ എന്ന ചെറിയ ദക്ഷിണേന്ത്യൻ റെസ്റ്റോറന്റ് ഇന്ന് ഒരു പ്രാദേശിക വികാരമായി മാറിയിരിക്കുന്നു.ദാവൻഗരെ ശൈലിയിലുള്ള Benne Dosa ആണ് പ്രധാന വിഭവം.നടനും നിർമ്മാതാവുമായ അഖിൽ അയ്യരും മനഃശാസ്ത്രജ്ഞ ആയ ശ്രിയ നാരായണും ചേർന്ന് ആണ് ബെന്നെ സ്ഥാപിച്ചത്. ഇരുവരും ബെംഗളൂരുവിൽ നിന്നുള്ളവരാണ്.

നെയ്യുടെ സമൃദ്ധമായ സുഗന്ധം, മൃദുവായതും എന്നാൽ ക്രിസ്പിയുമായ ദോശയുടെ, എല്ലാറ്റിനുമുപരി വെളുത്ത വെണ്ണയുടെ ഒരു തുള്ളി എന്നിവ വെറും രുചികൾ മാത്രമായിരുന്നില്ല.മുബൈയിൽ എത്തിയതോടെ അതൊക്കെ മിസ്സ് ചെയ്തു.മുംബൈയിൽ താമസിക്കുമ്പോൾ, ദക്ഷിണേന്ത്യൻ പാചകരീതി അവിടെ വ്യാപകമായി ലഭ്യമാണെങ്കിലും, താൻ വളർന്നുവന്ന പ്രദേശത്തെ ദോശയുടെ അടുത്തൊന്നും ഒന്നും വരില്ലെന്ന് അദ്ദേഹം കണ്ടെത്തി. അതിനാൽ, വിട്ടുവീഴ്ച ചെയ്യുന്നതിനുപകരം, ആ അനുഭവം സ്വയം പുനഃസൃഷ്ടിക്കാൻ അഖിലും ശ്രിയയും തീരുമാനിച്ചു.അങ്ങനെ ആണ് ബെന്നെ റെസ്റ്റോറന്റിന്റെ തുടക്കം.ബാന്ദ്രയിലെ 12 സീറ്റുകളുള്ള ഒരു ചെറിയ കഫേയിൽ നിന്ന് പ്രതിദിനം 800+ ദോശകൾ വിളമ്പുന്നതിലേക്ക് എത്തി നിൽക്കുന്നു.വിരാട് കോഹ്‌ലിയും അനുഷ്‌കയും വരെ ബെന്നെയുടെ കസ്റ്റമേഴ്‌സിൽ പെടുന്നു.ഇന്ന് ഒരു കോടിയിലധികം രൂപ ആണ് ഒരു മാസത്തെ വിറ്റുവരവ്.

അവരുടെ വിജയത്തിന്റെ പിന്നിൽ….

1. സോഷ്യൽ മീഡിയ ബസ് – കഫേ നിർമ്മിക്കുന്നതിനുള്ള അവരുടെ യാത്ര അവർ ഇൻസ്റ്റാഗ്രാമിൽ രേഖപ്പെടുത്തി, ഇത് ഹൈപ്പ് സൃഷ്ടിക്കാനും ആരംഭിക്കുന്നതിന് മുമ്പുതന്നെ ആളുകളുമായി വൈകാരികമായി ബന്ധപ്പെടാനും സഹായിച്ചു.

2.Unique Product & Gen Z Appeal – പതിവ് ദോശകൾക്ക് പകരം, മുംബൈയിൽ അപൂർവമായിരുന്ന ബെന്നെ ദോശകളിൽ (കട്ടിയുള്ളതും മൃദുവായതും) അവർ ശ്രദ്ധ കേന്ദ്രീകരിച്ചു. അവരുടെ കൂൾ ,മോഡേൺ വൈബ് ചെറുപ്പക്കാരുടെ ഇടയിൽ ശ്രദ്ധ പിടിച്ചുപറ്റി.

4. സ്മാർട്ട് ഓപ്പറേഷൻസ് – അവർ ഓർഡർ കിയോസ്‌ക്കുകൾ സ്ഥാപിച്ചു, കഫേ സെൽഫ് സർവീസ് ഉണ്ടാക്കി, ദോശകളും ഇഡ്ഡലികളും എങ്ങനെ ഉണ്ടാക്കി വിളമ്പുന്നു എന്നത് ലളിതമാക്കി – കാര്യങ്ങൾ വേഗത്തിലും കാര്യക്ഷമമായും നിലനിർത്തി.